UAIN TIHPUN - Robert Lalchhuanmawia @ GurrbeeVawiin Chanchin tha hi ka thianpa te pahnih hian ngaithla lo sela ka duh zawk mang e. An chil a haw palh ang. Thulâkkawih an hrât dun zek zuk si. An hming chu thai lang kher lo mai ila, zirtirtu a nia, fanu pahnih a nei, fapa a neilo. Pakhat zawk hi chuan fapa pahnih a nei, fanu a neilo thung. Inti fatu em em ringawt! Fanau malsawmna an duhthusam ang a thleng theilo hi an tawngtai hnem tawk loh vang a nih thu hrilh ka tum thin. An luhlul in, an tawnghnem , ka ning. An tawng zah hitawngtai ta zawk se, chhân sak loh theih a ni lo chiang sa.
Chanchin tha Johana 2:1-12 ah kan Lal Isua chu Galili ram Kana khuaah inneihna ah a zirtirte nen an tel ve a, Uain kha a zo ta mai si a, fatu / chhiahhlawhte kha an mangang teh hlawm a nih kha. Nimahsela, mangang ve miah lo Nu Mari a awm. Thilmak hriattham tih engmah la neilo mahsela, a fapa theihna chu a hrechiang em em a ni. Uain an tlakchham thu a hrilh ringawt chung pawh khan, a nu rilru ngaihtuahna, ngenna chu a hai lo chiang khawp mai. Uain chu tipungin , mo neitu kha a mualpho ta lo a nih kha. Helai thu hian Nu leh a Fapa (Isua) inzawmna thukzia leh rilru hmunkhat pu an nihzia a tarlang chiang hle âwm e. Keini ringtu te’n Nu Mari min dilpui theitu hnena min tawngtai pui tura sawm nachâng kan hria hi kan vannei takzet a ni. Vohbik(Luka 1:28) a nihna pawm theilo, sawi chhetute chan tur hi ka ngaihtuah ngam lo. Kan Pathian in tling a tih, Vantirhkohte pawhin chibai an buk hial chu lo zahpui ve ngawt tur kan nih loh zia leh a fapa Lal Isua hnena a thlen tawh chu chhân lohvin a awm ngai dawn lo a ni tih min zirtir bawk a ni. Pa Pathian in a chawimawi, A Fapa Lal Isua pawhin Nu atana a pawm chu, pawm ve mai tur. Kan ring lo tih khawng luih ve tlat hian kan thlarau nun a chawm lo khawp ang le. Pawm theilo te hi chuan kan Pathian Thu leh Lal Isua Thu kalhtu/
dotu an ni dawn tih hriat a tha.
Lei mihringte duhdan, pawmdan, tha tih dan, ngaihdan, hriatdan leh rindan in kan Pathian hian engmah a rel ngai dawn lo. Ama Thu vek a ni. Thuchhiar, I Korinth 12:4-11 ah Tirhkoh Paula kaltlangin Lalpan amah
zuitute, A Thupek anga awm leh ti thin te hnena Thlarau lam thilpek a pek te kan hre thei. Lal Isua mission kan chhunzawm na theuh ah thilpek hrang hrang min pe theuh a, Thlarau erawh a thuhmun vek thu min zirtir. Chu thlarau thuhmun vek a chu Lal Isua Thu a ni (Johana 6:63). Mitin hian chhandamna kan chan theih nan leh kan sâwt tlan theuh theih nan thilpek hrang hrang min pek theuh thu kan chhiar. Kan tih pun a hun tawh.
“Taksa pumkhatah peng tam tak kan nei a, peng zawng zawng thil tih erawh chu a inang lova ” (Rom 12:4) tih ziak a nih angin, thilpek kan dawn ang theuh a thawk chhuak tur kan nih hi hre tharin, Krista aia palai kan nih i chiang deuh deuh ang u.
Ka thian pahnih ve te hi chuan Uain tih pun theihna power bak an ngaihtuah hlei lo’ng e. Nurse nu Siampuii phei chuan, “nangmah i fel si, i thiante hi casualty-ah hruai reng ngai bawk si” tiin mak ti deuhin min zawt. CASUALTY ka ti phal awkawng lo mai!! KHUALBUK(Samari mitha). Pu Stephen Auhmuna hian motor a nei ve tho.. khualbuk ah min thlen chhawk ve tawh teh se.
“A thilpek sawi hleihtheih loh avangin Pathian hnenah lawmthu awm rawh se (II Korinth 9:15)” ti ve thei nitin turin kan Lalpa hnenah lawmthu hrilin, A Thupek zawmtu i ni zel ang u. “Hrechiang ila aw ka zahpui lo’ng, Krista Nu ni tur a Van Lal ruat” tiin zahpui lovin hla in i hril zel ang.
Chanchin tha Johana 2:1-12 ah kan Lal Isua chu Galili ram Kana khuaah inneihna ah a zirtirte nen an tel ve a, Uain kha a zo ta mai si a, fatu / chhiahhlawhte kha an mangang teh hlawm a nih kha. Nimahsela, mangang ve miah lo Nu Mari a awm. Thilmak hriattham tih engmah la neilo mahsela, a fapa theihna chu a hrechiang em em a ni. Uain an tlakchham thu a hrilh ringawt chung pawh khan, a nu rilru ngaihtuahna, ngenna chu a hai lo chiang khawp mai. Uain chu tipungin , mo neitu kha a mualpho ta lo a nih kha. Helai thu hian Nu leh a Fapa (Isua) inzawmna thukzia leh rilru hmunkhat pu an nihzia a tarlang chiang hle âwm e. Keini ringtu te’n Nu Mari min dilpui theitu hnena min tawngtai pui tura sawm nachâng kan hria hi kan vannei takzet a ni. Vohbik(Luka 1:28) a nihna pawm theilo, sawi chhetute chan tur hi ka ngaihtuah ngam lo. Kan Pathian in tling a tih, Vantirhkohte pawhin chibai an buk hial chu lo zahpui ve ngawt tur kan nih loh zia leh a fapa Lal Isua hnena a thlen tawh chu chhân lohvin a awm ngai dawn lo a ni tih min zirtir bawk a ni. Pa Pathian in a chawimawi, A Fapa Lal Isua pawhin Nu atana a pawm chu, pawm ve mai tur. Kan ring lo tih khawng luih ve tlat hian kan thlarau nun a chawm lo khawp ang le. Pawm theilo te hi chuan kan Pathian Thu leh Lal Isua Thu kalhtu/
dotu an ni dawn tih hriat a tha.
Lei mihringte duhdan, pawmdan, tha tih dan, ngaihdan, hriatdan leh rindan in kan Pathian hian engmah a rel ngai dawn lo. Ama Thu vek a ni. Thuchhiar, I Korinth 12:4-11 ah Tirhkoh Paula kaltlangin Lalpan amah
zuitute, A Thupek anga awm leh ti thin te hnena Thlarau lam thilpek a pek te kan hre thei. Lal Isua mission kan chhunzawm na theuh ah thilpek hrang hrang min pe theuh a, Thlarau erawh a thuhmun vek thu min zirtir. Chu thlarau thuhmun vek a chu Lal Isua Thu a ni (Johana 6:63). Mitin hian chhandamna kan chan theih nan leh kan sâwt tlan theuh theih nan thilpek hrang hrang min pek theuh thu kan chhiar. Kan tih pun a hun tawh.
“Taksa pumkhatah peng tam tak kan nei a, peng zawng zawng thil tih erawh chu a inang lova ” (Rom 12:4) tih ziak a nih angin, thilpek kan dawn ang theuh a thawk chhuak tur kan nih hi hre tharin, Krista aia palai kan nih i chiang deuh deuh ang u.
Ka thian pahnih ve te hi chuan Uain tih pun theihna power bak an ngaihtuah hlei lo’ng e. Nurse nu Siampuii phei chuan, “nangmah i fel si, i thiante hi casualty-ah hruai reng ngai bawk si” tiin mak ti deuhin min zawt. CASUALTY ka ti phal awkawng lo mai!! KHUALBUK(Samari mitha). Pu Stephen Auhmuna hian motor a nei ve tho.. khualbuk ah min thlen chhawk ve tawh teh se.
“A thilpek sawi hleihtheih loh avangin Pathian hnenah lawmthu awm rawh se (II Korinth 9:15)” ti ve thei nitin turin kan Lalpa hnenah lawmthu hrilin, A Thupek zawmtu i ni zel ang u. “Hrechiang ila aw ka zahpui lo’ng, Krista Nu ni tur a Van Lal ruat” tiin zahpui lovin hla in i hril zel ang.
