Catholic Thalai Pawl, Koalsib Branch te chuan nimin 2nd October, 2010 khan Thalai Day ropui takin an hmang. He Ni hmanna programme hi Parish Multipurpose Hall-ah zing dar 10.00 atangin Parish Priest ho a hman tan a ni. Kan Parish Priest hian thu chah tha tak sawiin Pathian malsawmna min dil sak a ni. Chawhma lamah Debate leh Bible quiz hmanga in elna neih niin hun duhawm tak kan hmang ho a ni. Member ten chaw chhun kan fun te chu programme zawh hian kan kil ho bawk a ni.
Chawhnu lamah volley ball a group inelna St. Johns Hr. Sec. School playground-ah neih leh a ni bawk. Duhthusamin memberte kal tha lo mah i la, a kal ten hlawk thlak kan tiin kan hlim tlang hle.
Tin, Vawiin, Dt. 03.10.2010 khan Diocese Thalai Day chu Hmar Bial Co-ordination Committee ang a hman a ni. He Ni hmanna programme hi St. Joseph the Worker Parish Multi-purpose Hall-ah chawhnu dar 1.30 atanga hman tan niin DCTP hruitu te, Pu Dominic Vanlalfala (President), Lucy Lalchhuanliani (Treasurer), Rosemary Z Pachuau (Dexcom, Lady representative) leh Rev. Fr. Andrew Lalbiakfela (Director, St. Joseph’s Minor Seminary) ten min rawn hmanpui a ni. Pu Dominic Crosby (Secretary, Hmar Bial Co-ordiantion) chu chairman niin, Joseph Lalliannghawra (President, CTP, Kolasib Branch) in welcome speech a pe a, DCTP lam atangin report ngaihthlak a nih bakah, Pu Pu Dominic Vanlalfala (President, DCTP) leh mi dang te hnen atangin thusawi ngaihthlak a ni bawk. Fellowship programme hlimawm leh hlawk thlak tak hman a nih zawh hnuin chawhlui tui hnai tak kan kil ho a ni.
No comments:
Post a Comment