28th & 29th May, 2011 Retreat

Bialtu Puithiam Rev Fr Joseph Lalbiakthanga hma lakna zarah, Pu Joseph Lalchhuana Speaker niin St. Joseph theWorker Church, Kolasibah retreat ni hnih awh ringtu mipuite tan huaihawt mek a ni. He hun hi tangkai taka hmang theuh thei turin kan bialtu Puithiam chuan ringtute min ngen. Tin, hei hian ringtu mipuite zingah inunauna tha lehzual rawn thlen mawlh se, kawng hrang hrangah hmasawnna; a bikin, thlarau nunah intuaithar reng kan mamawh zia min hrilh-hre-tuah tang ngei se. Speaker ngen ang ngeiin mite tana ngaihthlak kan it thin hi mahni tan seng luh nachang i hre zual deuh deuh zawk ang u. Chu chuan rah tha lehzual mi dangte hnenah pawh a thlen ngei ang.

Speaker - Pu Joseph Lalchhuana

Ruahman lawk angin Retreat chu Pathianni ni 29 May, 2011 zan dar 9:30 vel khan zawh a ni a, tin, hemi zan vek hian kan Speaker leh a tawiawmtute chu Aizawl lamah an haw chho nghal. Retreat hian keimahni theuhah engtiang chiahin nge nghawng a neih dawn tih chu hunin la hril turah dah ila. Chutihrual chuan; a bikin, keini Thalaite hian Retreat hi Kohhranin min huaihawt sak mai bakah hian a zing thei ang ber mahni pawha neih theih hi kan nun kawng dika kaihruaitu atan hman a duhawm hle mai. INREMLEHNA SAKRAMEN thinlung leh tih tak zeta dawng fo tu ni theuh thei ngei turin tan i ta sauh sauh ang u.

Pathianni chawhnu lama CHHUNGKAW MALSAWMNA te, SILENT ADORATION te kha tam zawk nei thei ngei turin i inpuahchah ila. Tin, Iukaris Thianghlimah Isua Krista Taksa leh Thisen a tak ngeiin a awm a ni tih puangchhuaktu nih theuh i tum ang u.

Chhungkua hriak thiha malsawmna

Chhungkua hriak thiha malsawmna