FAHRAHIN KA KALSAN LOVANG CHE U (25.05.2014)

- Vincent Zosngliana

Vawiin Easter hun hnuhnunga Pathianni vawi-6 na niah hian kan Lalpa chuan, “Fahrahin ka kalsan lovang che u” tiin thu min hrilh a. Kan Lalpa thusawi hi kum sanghnih liamta-a a thusawi kan chhiar nawn thar leh mai angah kan ngai tur a ni lova, tunah kan hnenah a rawn sawi angah kan ngai zawk tur a ni.

Kan Lapa’n min hmangaih zia chu a nasa a, a nunna ngei pawh hlanin kan tân a inpe a ni. Min ngaihsakin min hmangihna hi a ropui a. Tunah kan tisa mitin hmuthei lo mah ila, kan kiangah a awm reng a ni. Sam 139-na a kan hmuh angin, “Van-ah han lawn ila, ngaiteh chutah chuan i awm si a; Seol-ah mutna siam ila, ngaiteh chutah chuan i awm bawk si a. Zing thla zarin, tuifinriat tawp daihah va awm ila; chutah pawh chuan i kutin min hruai anga, i kut dinglamin min chelh dawn si a”(Sam 139:8-10). Englai pawhin kan kiangah a awm reng tih a chiang a. Kan \awng\ai lai pawhin kan \awng\aina a ngaithla a, kan kiangah a awm reng a ni. Sual leh thil \halote kan tih lai pawhin kan kiangah a awm reng a, sual enganga nasa pawh ti ila, a mi hmangaihna a danglam chuanglo, hmangaihna nen min awmpui reng a ni.

Min hmangaihna a nasat êm avangin kan bula awm reng a intiam a. Beidawnna leh harsatnate, rethei leh lungngaia kan awm pawhin kan bulah a awm reng a ni. Chuvangin, hetiang dinhmunah hian kan awm chang pawhin kan pan hmasak ber tur chu Mihringte ni lovin, \awng\aina nen Amah kan pan hmasa ber tur a ni. Amaherawh chu, \awng\ai a Amah kan pan changin kan kâ in kan sawi liam naran mai tur ani lova, kan thinlung chhungril ber a\angin kan nun pumpuiin Amah kan au tur a ni. Amahin min hrilh angin, “He mirethei hi a âu a, Lalpa chuan a lo ngaithla a” a tih angin, thinlung ngaihtuahna zawng zawng nen a, Amah au tute chu, “In dil apiang hmu tawhah in ngai rawh u” a ti a ni. hei vang hian =awng\aina hi zir tak tak angai a, \awngkâ a kan sawi liam mai mai hian Pathian ngeng a chhun phak lemlo ani tih kan hriat a \ha. Chuvangin, \awng\aina chu kan nun pumpuia Pathian kan auhna ani a, hetiang tithei tur hian Lalpa thlarau \anpuina kan mamawh a ni. Amahin min hrilh angin, “Chatuana In hnena awm turin, \anpuitu in hnenah ka rawn tir ang” a ti a ni.

Amah hmu theilo mah ila, a thlarau thianghlimin kan hnenah a awm reng ani tih hriain, Krista mite kan nih tawh avangin kan nun fimkhur ila, Krista mite nundan angin mawi leh thianghlim taka nungin, tisa châkna leh sual lam thilte hawisanin keimahniah Krista hmel miten hmu tawh zawk rawh se.