HOLY TRINITY SUNDAY (15.06.2014)

- Vincent Zosangliana

Unau duh takte u, Kraws chhinchhiahna siamin, “Pa leh fapa leh thlarauthianghlim hmingin” kan ti a. Hemi hming vêk hian Baptisma kan chanin, kan lu chungah tui leihin puithiamin, “Pa leh Fapa leh Thlarauthianghlim hmingin ka Baptis a che” tiin a lam anih kha.

Chutiang bawk chuan sualpuanna Sakramenah chuan Puithiamin, “Pa leh Fapa leh Thlarauthianghlim hmingin i sual te ka ngaidam e” a ti a. Pa, Fapa leh Thlarau Thianghlim te chuan |rinity Thianghlim chu an siam a. Chumi kût chu vawiin hian kan hmang a ni. He Kût ni hian Pa, Fapa leh Thlarau Thianghlimte chu zahna kan hlân a. Anihleh enge ni |rinity Thianghlim chu ni a? Keini mimawl zawkte hian he thilmak hi kan hrefiah thiam phak dawn reng em ni?

He |rinity thilmak hi Bible-in enge a nihna chiah a sawifiah lova, hriatfiah mai theih pawh ani bawk lo. Chanchin\haah kan hmuh angin Pa leh Thlarau Thianghlim chu Isua nen an inlaichinna a \ha hle ani tih kan hria a ni.

Vawiin hian kohhran chuan Pathian min hmangaihna thilmak chu chhûta Pa, Fapa leh Thlarau Thianghlimte chu kan tan a pawimawhna chiah chu chhut thar leh turin min duh a. Pathian chu enge a nih? tia zawt lovin, Pathianah mi pathum an awm a, an intluktlang vek a, engtinnge mihring an nih? He zawhna hi kan chhang mai thei lovang. Chu ai chuan Pa, Fapa leh Thlarau Thianghlimte chu kan tân enge an \angkaina tiin chhutfiah tum zawk ila kan hre awlsam zawk thei ang. Heihi ani vawiina kohhran pawhin min duhna zawk chu! An Pathum hian kan chhandamna atan an hmangaihna leh an thiltih theihnate, an finnate chu englaipawhin an hmang reng a ni.

Pa, Fapa leh Thlarau Thianghlimte chu Pathiana mihring pathum awmte chu an ni a. An makna leh thuknate chu \awm turin krista zarah kan chang a. Pa Pathian chu hmuhtheihloh anih laiin Fapa Isua Krista-ah chuan kan hmu thei a ni. Isua pawhin, “Kei mi hmu chu Pa hmu in ni” a ti a. Tin, “Thu dik chu hriatfiah tir tur che u in, in hnenah thlarau ka rawn tir ang” a ti a. Chuvangin, Isua, Thlarau Thianghlim leh Pa chu pakhat an ni a. Hmangaihna avangin pumkhat, \hen hran theihloh, inzawm tlat chu an ni.

Vawiina kût kan hmanin min hriattir a duh chu |rinity Thianghlim hlimthlate kan ni a, chu inpumkhatna thianghlim chu keimahniah a awm tur a ni. Pathiana mi pathumte chu inzawmtlat an ni a, hmangaihna leh inremna nghet tak an nei tlat a ni. Chutiang tak chuan kan zingah inpumkhatna thianghlim neiin Pathian hmangaihna chu kan chhungkuaah kan nei tlat tur a ni. Ngaihdan hrang leh khawsak dan inanglo, nihna hrang hrangte nimahila, inremna chu kan zirlai pawimawhber a ni reng tur a ni. Kristian kan nih angin kan zingah muanna leh inpumkhatna chu pawimawh berah kan nei tlat anga, chumi azarah chuan Pathian hmangaihna chuan rah a rawn chhuah thei dawn a ni. Tichuan Pathiana mi pathumte chuan an hlimna, muanna leh inpumkhatnate chu min rawn \awmtir ve ngei ang.

Eukaris inthawina thianghlimah chuan |rinity Thianghlim nen inzawmin kan zingah inpumkhatna thianghlim a awm a, an lawmna, thlamuanna leh hlimnate chu a awm reng theihnan i dil ang u. A MEN.