-Vincent Zosangliana
Engtik kum chiah nge Isua a pian tih hi mithiamte chhut danin an sawidan a inanglo \heuhva. Tuna Calendar kan hman lai anga chhut chuan kum 30-na April ni-7 ah Isua a thi nia hriat a ni a, hetih hunlai hian Isua chu Kum 35 vela upa nia chhut a ni. He kan kum hmanlai chhuttu mifel tak Monk pakhat Denis-a chuan Isua pian hnu kum 500 kalta-a a chhut chhuah kha a ni a, hetih hunlai kum khatnaah hian tun hnua mithiamte chhût danin Isua chu kum 5 a\anga kum 7 vel ni tawha hriât a ni. Isua thih kum A.D 30 kum Monk Denisa’n a tih hian Isua chu kum 35 a\anga kum 37 vela upa ani tawh tihna a nih chu.
Engpawhnise, kan hriattur pawimawh chu Isua thih hunlai hi Judate tana an Kût pawimawh leh urhsun ber KALHLEN KÛT, Aigupta bawih ata an lo chhuahni hriatrengna hun pawimawh a ni. Tuna HOLY WEEK kan hman hi Monk Denis-a kum chhut dana A.D 30, April ni-7 ni a Isua thi anga hmang kan nih angin, HOLY WEEK chhunga Isua hun hman dan pawimawhte i lo tarlang ila.
APRIL NI-2 (Palm Sunday):
Hemi ni hian Isua Jerusalemah a lut a, mipui te’n nasa takin an lo chawimawi a; Jerusalem Temple-ah thute a sawi hnuin Bethani khuaah a kir leh a ni.
APRIL NI-3 (Thawh\anni-ah):
Isua chu zing takah a tho a, Jerusalem Temple-ah thusawi turin a kal leh a, a kalkawngah theipui kung (Israel mite entirna) chu a hauhlum a. Temple-ah nilenga thusawia hun a hman hnuin Bethani khua-ah a kir leh a ni.
APRIL NI-4 (Thawhlehni-ah):
Jerusalem Temple panin Apostolte nen an kal leh a, an kal kawngah nimina Isuan Theipui kung a hauh kha a zung thlengin a ro vek tih an hmu a. Hemi ni hian Juda puipa ten Isua man dan tur namen lovin an sawiho a, tlailamah Bethani khua pana an haw kawngah Isuan Jerusalem leh khawvel tihchhiata a awm tur thu a puang chhuak a ni.
APRIL NI-5 (Nilaini-ah):
Hemi ni hian Isua chu Bethani khua-ah a tuarna lo thleng tur atan a inbuatsaih a. Juda Iskariota’n Isua mantir dan tur Juda puipate nen an sawiho a ni.
APRIL NI-6 (Ningani-ah):
Zingah Isuan Petera leh Johana te kalhlen chaw buatsaih turin Jerusalemah a tir a, chhunah Isua leh zirtir dangte ZANRIAH HNUHNUNG kil turin Jerusalemah an kal ve a ni.
7:00 p.m. ah- Zanriah hnuhnung kilin Isuan zirtirte ke a sil sak a. Hemi lai hian Juda Iskariota’n a mantir tur leh Peteran a phat tur Isuan a sawi chhuak a ni. hemi lai hian EUCHARIST (A taksa leh thisen) min buatsaih sak a, Apostolte nen reife an titi ho a ni.
10:00 p.m. - Isua Gethsemani huanah a \awng\ai a.
11:00 p.m. - Isua an man a, Anna hnenah an hruai a, chumi hnuah puithiam lalber Kaiapha hnenah an hruai leh a, A tihhlum dan tur an ngaihtuaha, Petera’n a phata, zanah Puithiam lalber chhiahhlawhte an ventira, nasa takin an sawisa a.
APRIL NI-7 (Zirtawpni-ah):
6:00 am - Juda puipate leh Sanhedrin ten Isua tihhlum dan tur ngaihtuahin an Committee a.
9:00 am - Pilata hnenah Isua an hruai a, chumi zawhah Heroda hnenah an kalpui a, chumi zawhah Pilata hnenah an hruai leh a ni.
11:00 am - Pilatan thi turin Isua thiamloh a chantir. An vawhrepa, hling lukhum an phiara an khumtir a; kalvari lam an pan puia, Kraws rit tak an puittir a ni.
12:00 noon - Isua Kraws-ah an khengbet a, darkar thum lai a tuar a ni.
3:00 pm - Isua Krawsah a thi ta a, Arimathai khua ami Josefan Pilata hnenah Isua ruang a dil a, Nikodeman Isua ruanga chulh tur Hriak rimtui a rawn la a, phum turin a buatsaih a ni.
5:00 pm - Isua an phum.
APRIL NI-8 (Inrinni-ah):
Isua thlan lungpuiin anchhilh tlata, an char a, an veng a, nilengin Isua ruang thlanah a awm a.
APRIL NI-9 (Pathianni-ah):
5:00 am - Isua thlan a\angin a tho. Hriak rimtui nen hmeichhiate Isua thlanah an kal a, Isua thlanruak an hmuhin Apostolte hrilh turin Mari a tlan a, Petera leh Johana te thlan lam panin an kal ve, Mari Magdalini leh hmeichhe dang hnenah Isua A inlar a; chumi hnuah Petera hnenah A inlar bawk a.
3:00 pm - Emmau khaw pana zirtir pahnih kalte hnenah A inlar leh a.
5:00 pm - Isuan chhang A phel laiin zirtir pahnih ten Isua ani tih an hrefiah ta a. Jerusalem lamah an kir leh a, zirtir dang te an va hrilh a.
9:00 pm - Apostolte awmkhawmnaah Isua A inlar leh a, Thoma erawh a tel ve lo.
Hetiang hian Isuan Chawlhkar Thianghlim (HOLY WEEK) ah a huntawp hmangin ropui takin a tholeh ta a ni.
No comments:
Post a Comment