-Rev. Fr. Denis Lalfela sdb
Tawngtaina tel lovin rawngbawlna a nung tak tak har a. |hahnemngaihna ringawt chuan rei a daih lo fo. |hahnemngaih ulh luat vanga a thawk ve lote dem chiam lah a dik bik si lo. Lal Isua nun kan en chuan rawngbawlna a neih hmain zing takah thovin a Pa a be \hin a. Keini pawhin Van lam nena connection kan tih nun thiam a tul dawn a ni. |awng\aina chuan kawng engkimah rawngbawlna a fan chhuak a, khawngaihnain kan rawngbawlna a umzuiin a chiah tlat a, kal sual a har bik a. Tin, Pathian duhzawng min hriatthiamtir thei bawk. Kohhranin min tuk ang \awng\aina chham ringawt hi a tawk lo ang. Mi tinin ngawirenga Pathian pawlna hun kan insiam a \ul takzet a ni. Kan hnathawh pawh chu \awng\aina ni thei hial khawpin Pathian chenchilh tlakin kan thawk ang a, tichuan nilengin Pathian nen kan lengdun dawn zu nia. |awng\ai mi lo chuan \awng\ai mi an hrethiam thei lo va. Tin, rawngbawlna atana \awng\ai hlutna tak tak an pawh tawk thin lo. Kohhran hian \awng\aina a mamawh nasa em em a. Kohhran tana thahnemngai taka \awng\ai nachang hria an tam hunah hma kan sawnin kan thang lian ang a.
Krista Chanchin |ha kan tlangaupuinah hian mi mawl leh tlawm tê tê anga kan ngaihte hi Pathianin nasa takin a hmang thei a. Theology zir zo tawhte leh khawvel thiamna degree sang neiten an dawn loh Thlarau thilpek \henkhatte hi ringtu tlawm tê tête hnenah pek a ni thei tlat. Khawvela thuhriltu ropuite leh tihdam rawngbawlna neite hi theologian an tam hran lo. Chuvangin tumahin ringtu unaute Thlarau dawn kan hmusit thiang lo. Rawngbawlna hrang hrang a awm a, Lalpa erawh pakhat a ni. Kohhranah talent hrang hrang nei kan intawk khawm a. Inphumkhat nan leh in-back up nan kan hmang \hin tur a ni. Kan inchawimawi tawn te, kan inchhawmdawl leh kan inhmangaih tel tel hian Kohhran chu a hlimin a nung mai a ni. Mihring hrehrawa helnuai vak chi a ni lo.
Tawng\aina nun kan neih loh avang leh kan \awng\ai tam tawk loh avanga kan tihtur kan tih lohte leh kan tih loh tur kan tih phah rah chu kan tu leh faten an lo la seng dawn tih hria ila. Kan thih hnu pawha Kohhran hi la awm zel tur a nih si chuan fimkhur taka kan nun leh rawng kan bawl a va \ul em ! Ngaihdamna nun nena rawngbawlna hlen tur kan ni: Rawngbawlna kan hlenna kawnga rahbi pawimawh tak pakhat leh chu ngaihdamna a ni. Ngaihdamna chungchangah Gabriel Sarmiento chuan, ‘I thil tawn avangin i ngaidam thei lo a ni mai thei e. Mahse Pathian chuan chu i rilru natna chu hlip kiangin thinlung thar a pe thei che a.
Thilmak ti \hin Pathian hmangaihna chu ngaihdam theih nan a tawk a, nang ngei pawh ngaidamtu ni turin a pui dawn che a ni’ tiin a lo sawi tlat mai. Mahatma Gandhi chuan ‘Mi chak loten an ngaidam thei lo, ngaihdamna hi mi chakte nihna a ni’ tiin a lo sawi tawh a. A ni tak a, ngaihdamna diltute hi mi huaisen an ni. Kei ka ni intiten ngaihdamna an dil ngai lo. Midangte pawh an ngaidam mai thei hek lo. Mite ngaihdamna dil ngam turin kan inngaihtlawm tak meuh a ngai a. Mahni dikna ni awm tak pawha ngaihdam dil \hinte hi an fakawm ngawt mai. Ngaihdamna kawnga bul \antu nih hi a hlu fe zawk a, kan Kristianna nen a inhmeh hle bawk. Ngaihdamna tel lovin rawngbawlna a nung thei lo, tawp chin a nei tlat. Mite \hatna hmuh tum lova an dik lohna ringawt hailan tumtute hi a ruka mahni inhmu hniam an ni fo. An chhungril nun khawro tak thup nan, na tak takin mi dang an sawisel \hin. Mahse rawngbawlna nung duhtute tan chuan sim ngei tur a ni. Ngaihdam duh lohna sual hi rawngbawlna kawngah thihna tûr, poison a ni.
Tlangkawmna: Indopui 2-na zawh hnu lawka Ravensbruck, Germany a jail banga mi tang pakhatin a lo ziah ruk an hmuh chhuah chuan rilru a hneh hle mai, ‘Aw Lalpa, mi \hate chauh hre lovin min nghaisatute pawh hre reng ang che. Tuarna namên lo min thlen erawh theihnghilh la; he kan tuarnain thil \ha min thlente hi hre reng zawk la – kan inunauna thûk tak te, kan rinawmna, inngaihthlawmna, huaisenna, thilphalna leh thinlung zau tak kan lo neih takte hi! Tin, i rorelna ni-ah pawh, heng kan tuarna rahte (thawhrahte) hi min tiduhdahtute chunga i ngaihdamna thlentu lo ni mawlh rawh se,’ tiin a ziak a. Tirhkoh Paula chuan ‘Inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u’ (Ephesi 4:32) tiin ringtute a fuih a. He fuihna hi mahni nunah seng lûtin, kan rawngbawlna rinawm leh chhel taka hlen zel turin kan rilru i siam thar leh ang u.
No comments:
Post a Comment