- Vincent Zosangliana
Unau duh takte u, vawiin hi Pathianni 18-na a ni a. Pathianin thil in\awm tlang \heuh turin min sawm a, kan rawngbawlna atan pawh vantlang nun hmasawnna siam\hatu leh insem tlanna thinlung nei turin a ni.
1. Isua chu \anpuitu a ni: Heihi zirtirtuin Blackboard ah a ziak a, ahnuaiah naupangin “Eng harsatna maw?” tiin a ziak ve a. Vawiin hun anga harsatna lianber chu \amna leh eitur tlakchhamna hi a ni. |amna avangin nitin naupang 35000 khawvelah an thi a. India ramah ngawt pawh nikhatah chaw vawikhat ei tur hmu zo lo mi maktaduaih thum vel an awm a, kan zoram khawpui Aizawl-ah hian eng ang tak kan dinhmun nive maw.
2. Mi ril\am mangangte chanchin kan hriatin kan thinlung a khawih a, kan lo tuarpui em em a. mahni ngawtin engtinnge \anpuina hna kan thawh theih ang? tih ngaihtuahnate kan nei \hin a, haidera inthiarfihlimna rilrute put chang a awm bawk \hin. Mahse Kristian kan nih angin mi nuaih tamtakte ril\am manganga an awm chu kan khawngaih tur a ni si. Isua chu \anpuitu a ni a, ril\amte \anpuitu a nih zia vawiin chanchin\haah pawh kan hmu a ni. Isua rualin \amna chhawktu kan ni tur a ni a, eng tikawngin nge ni ang? A tihdantur Isua’n min kawhhmuh a ni.
3. A zirtirte a hrilh angin keini mimal tinte pawh hi vawiinah min hrilh nawn leh a, “Nangmahnin eitur pe rawh u” tiin. Engti kawngin nge ril\amte hnenah \anpuina ka pek ve ang? Isua’n kawng minkawhhmuh a. Vawiin Thuchhiarte pawhin \anpui dan leh \anpuitu tur kan nih zia min hrilh a. Bible hi Pathian kaihhruaina kan dawnna a ni a. Khawvel hi keimahni avang liau liauin a siam a, a chhungah engkim a dah bawk a ni. Jacoba leh a fate chu Aigubta ramah Josefa hmanga inhrai tlai turin a ti a. Thlalerah Mosia hova ril\amte chu ‘Manna’ in a ti tlai a. A zawlnei Isaia hmangin a mite a enkawlna chu a chhunzawm zel a ni.
Chanchin\haah Pa Pathianin min lainatna ropui tak avanga Isua a rawn tir a ni tih kan hmu a, tam taka nun kan neih nana lo kal a ni. Damlote pawhin nunthar an neih leh na turin a lo kal a. Ril\amte nunna CHAW atan a lo kal a. Mahatma Gandhi pawhin hetiang hian a sawi a, “India ram mipui rethei tam takte hnenah hian Pathian lo kla se la chu an ei theih chaw angin a lo kal ang”a ti a ni.
Vawiin Chanchin\haah kan hmuh angin thlalera ril\amte titlaitu a nih zia kan hmu a. Mipa ngawt pawh sangnga lai an ni a, Hmeichhia leh naupangte nen phei chuan singkhat teh meuh an ni ngei ang. Isua chuan ril\amte a lainait tak zet a, lainatna chuan thilmak a tih tir a. An zain a hraipuar a, ti ve turin min hrilh a ni. Bible-a kan hmuh angin Isua’n engtinnge a tih?
i) “Inneih ang ang rawn la rawh u” a ti a. Zirtirte chuan chhang panga leh sangha pahnih an neih chu an rawn la a. ii) Isua’n a kut in a rawn la a. iii) Isua’n vanlam enin lwmthu a Pa hnenah a sawi a. iv) Isua’n chhang leh sangha chu mal a sawm a, a phel a. v) Isua’n mitinte sem vek turin a hrilh a.
An eihnu chuan ril\amte chua na lo puar ta hlawm a. An ei bangnawi pawh bawmrang 12 lai an rut khat a. Hei hi chhang tihpun thilmak chu a ni. Insemtlan \heuhna thilmak chu hei hi a ni. Chanchin\ha in min hrilh danin Apostol te’n chhang 5 leh sangha 2 an nei a ti a. Chanchin\ha dangah mipui chu zozai zingah mahni tawka chaw lo fun pawh an awm ngei ang. Mahni chaw fun \heuh eitur chu nise, \henkhat an puar lutuk laiin \henkhat funtur nei velo te erawh ril\amin an pum an zut an zut ngei ang. An neih ang ang rawn lakhawmin Isua’n mal a lo sawm a, an zain an puar tlang ta \heuh a, tlemte (Article zawmna......)chu mi tamtak tlai nan an hmang ta a. Heih hi a ni sem sem dam dam thil mak chu.
4. Isua’n a zirtirte hnenah, “Nangmahnin eitur pe rawh u”a ti a. Vawiinah hian Isua’n Kohhran leh mimal tinte hnenah, “Ril\amte hnenah eitur pe rawh u” a ti a. Engtin maw? Kan neih a piangte nei ve lo te hnenah semin. Kristian hmasa te’n an thil neih engkim an insem tlang a, tumah ril\am bik leh chang tlem bik an awm lo. Sem sem dam dam chhungkua an ni a. Hetianga nungtlang tur hian Isua’n min duh a, hei hi khawvel \amna tihrehna tur thilmak chu a ni. Mother Teresa chuan hei hi a hrechianga, nitin ril\am mi sangkua vel an hraipuar ziah a ni. Chung miretheite chuan sem sem dam dam tih chu an hria mai nilovin an nunah an neih a an nunpui a ni. Nikhatchu Mother Teresa-in Hindu chhungkua eitur neilo te buhfai leh chawhmeh a pe a, chumite chuan an mahni ang bawka rethei Mosolman chhungkua an chan a\ang chuan an pe ve veleh chhawng lai Mother chuan a hmu a. Isua zirtirna zawmin kan neih thilte insem tlang dial dial ang u; Abikin ril\am eitur neilote hnenah eitur i pe ve ang u. Kan nun leh kan neihte, mihring leh vantlang hmasawnna atan In\awm tlanna chu i nunpui zel ang u.
5. He maichamah pawh Papathian chuan a Fapa-a Eucharist chu min rawn \awm tira, Isua’n a Taksa leh Thisen Ama nunna ngei chu min rawn pe a ni.
Chuvang chuan Eucharista nun In\awm tlânnahi kan nunah i nei zel ang u.
No comments:
Post a Comment