ISUA HI KATAN TUNGE ANIH? (24.08.2014)

- Vincent Zosangliana

Isuan a zirtirte hnenah, “Tunge ani mi tih?” tiin a zawt a. Hemi a zawh hma hian a zirtirte hnenah, “Mite’n tunge ani Mi tih?” tiin a zawt hmasa a.An chhannaah chuan, “A\henin Baptistu Johana ani an ti che a, a \henin Elijah ani an ti che a, a \henin zawlnei Jeremia ani an ti che a, a \henin zawlnei tuemaw ani an ti che” tiin an chhang a ni. Mite’n an chhanna a\ang hian Isua chu an nun neitu leh englaipawha an \hatna tura enkawla, anmahni hmangaihtu ani tih an la hre lo. Damlote a tihdam lai an hmu a, mitthi a kaitho laite pawh an hmu ngei \hin. Hetihlai hian Messia, Pathian engkimtithei ani tih an hre thei lo.

A zirtirte a zawt ve leh a, “Nangnin tunge ani mi tih?” tiiin a zawt ve leh a. Petera’n zirtir dang zawng zawngte aiawhin, “Pathian nung Fapa, Krista chu i ni” tiin a chhang a. Mahse, isua’n \awngkaa a chhannaah hian a lungawi tawk lo. Petera’n Isua a chhanna diktak chu thihthlengin Isua Pathian nung Fapa a rinna chu \awngkain ni lo, a nun ngeiin a chhâng a ni. Krawsa an khenbeh dawn khan, “Ka Lalpa thih anga thi tlak ka ni lo, Ka Lalpa ang chuan min khengbet lo ula, aletlingin, ka lu leilam hawiin min khengbet rawh u” tiin a ngen a, a ngen angin a letlingin an khengbet ta a ni. Zirtir te’n Isua tân, Khawvel thil zawng zawng kalsanin an nun an hlan a, heta \ang hian Isua chu Pathian nung Fapa, Messia anihna chu an nunin an puang a ni.

Vawiin hian nang leh kei hi Isua’n, “Tunge a ni mi tih?” tiin min zawt ve a. Kan chhânna chu \awngka ni lovin kan nun a chhâng turin min duh a ni. Mahni \heuh inenletin, Isua chu kan nitin nunah tunge ani kan tih? “Ka nun itan ka pe, ka thisen hlu a luang; nangmah tlanna tur che, thihna i chhuahsan nân. Ka nun itan ka pe, enge min pek ngai le?” Kan nute pum chhunga kan awmni hmasa ber a\anga vawiin ni thlengin, zan kan mut hlan pawhin duat takin min enkawl a, kan \hatna turin kawng engkimin min thawhsak a ni. Tunge ka tan Isua hi a nih? Vawiin niah pawh kan hnena a awm a, min hmangaihzia kan hriatfiah theihnan Eucharist-a i Lal Isua chu tunge ani i tih? |awngka-a chhân tur a ni lo, i nun ngeiin Eucharist-a i Lal isua chu enganga zingin nge i pan a, i hmangaihna engang fakauin nge i lo lantir \hin le? Hetiema nangmah hmangaihtu Isua chu, Tunge ani i tih? Harsatna i tawh chang chauhvin em ni Amah i pan? Kristian hmasate ang khan kan nun pumpui kan thinlung zawng zawng leh kan chakna zang zawng hlanin, “Inun i neih zawng pawh pe thung la rang takin” tiin vawiin hian Thlarau Thianghlimin min sawmna aw hriain Eucharist-a kan Lalpa chu, “Lalpa ka ring che a, ka hmangaih a che” tiin kan nungchangin Krista Pathian nung Fapa chu i ni, tiin kan nunin chhânna i pe vek ang u.