- Vincent Zosangliana
Vawiin Easter hun Pathianni vawi thumna niah hian Petera thusawi-ah : (1) Isua chu mihring dik tak ani a, a Pa pawh Nazareth khua a mi, Mistiri hnathawka eizawng minaran mai a ni. Mihring nihna tak tak neiin, ril\amna leh hreawm engkim a tuar vek a, sual erawh a neilo a ni. (2) Mahse Pathian a ni bawka. Pathian anih avangin thilmak tamtak a ti a, damlote A tidam a, Mitthi te A tinung leh a ni. Pathian a nih avangin mi nun\ha leh inngaitlawm te’n Pathianin khawvel chhandam tura A rawn tirh Messia ani tih an pawm a, Amah an ring tlat a ni.
Juda sakhua-a an puipa, mi chapo te’n an er em em a, a thihna ngawt an ngaihtuah a, tihhlum turin Pilata hnenah an hruai a. Chuvangin Petera’n Judate hnena a thusawiah, ‘Nangnin in that a,’ a ti a ni. Isua ngei pawhin Pilata hnena a thusawiah, “I hnena mi hlantute hian thil an tisual nasa zawk”, a ti a. Mihring te’n Isua an that a, Krawsah an khengbet a, A thi ngei a ni. Pathian erawh chuan Isua chu thihna ata A kaitho leh a, a hmaa awm aia ropui zawkin taksa ngaipuin a tho leh ta a ni.
Isua thawhlehna nun ropui chu Krista chuan Baptisma hmangin a \awm ve a, he thawhlehna nun hi Kristian chuan a thihni thlengin a tihmasawn tur a ni. Chuvangin, Baptisma kan chan hma chuan sual bawihah kan awm renga, Baptisma kan chan veleh Israel mite Tuipui sen kaltlanga bawih ata zalenna, nunthar an nei ta ang khan Pathian fate zalenna nun chu kan lo nei ve ta a ni. Rom Sawrkar hunlai khan bawih ata chhuaka zalenna nei tur chuan tangka tam taka an pute hnen a\anga an intlan angai \hin. Kristian erawh chuan Pathian zahngaihna leh hmangaihna ropui tak avangin Baptisma-ah athlawnin kan tlanna chu kan lo nei ta a, Pathianin min hmangaihna hi ava ropui em, A fa-ah te min vuah tak hi. Chuvangin, Pathian fa niawm rengin mitin i nung ang u. Sual leh tisa nawmchenna lam reng reng i hawisan tawh ang u. Hetiang kan la tih fo chuan Baptisma kan la chan hma nun, Setana bawih-ah kan kir leh tihna a ni.
Isua thawhlehna nun kan \awm tawh hi hriatthiam a har em em a. Isua a thih hnua zirtir pahnih Emau khaw pana kalte ang kha kan ni. An zingah Isua a kal ve pawh khan, Isua an kiangah a awm tih an hrethiam theilo. Isuan, zawlneite thu hmangin an thinlung a buatsaih sak a, zanriah an kil a, chhang a phel chiah khan Isua a ni tih an hrefiah ta a. Chutiang chuan Pathianin a fate a min siamna hi hrefiaha, a taka nunpui tur chuan chhang phela inkhawm, Eucharist inthawina-a kan tel tam poh leh kan hrethiam thei chauh dawn a ni.
Zirtir pahnihte khan Isua ani tih an hriat veleh midangte hrilh an chaka, hrilhhlan an nghakhlel ang khan Eucharist-ah Isua kan nuna kan tawnhriat nasat poh leh atakin Isua kan nunpui anga, kristian kan nihna hian awmzia a nei dawn a ni. Isuan chhang a phel veleh Amahchu zirtir pahnihte khan an hmu theilo nghal a, a bo ta a ni. Achhan chu Eucharist-ah Amah a awm tawh zawk vang a ni. Mihring mit chuan chhang chauh a hmuthei a, mahse chhangah khan tholehta Isua chu a tak takin a awm si a. Hei vang hian Amah kan dawn theihna turin Eucharist min pek hi ngaihsak leh zual tur kan va ni em!!
No comments:
Post a Comment