-Vincent Zosangliana
Vawiin Lent Pathianni vawi 5-na niah kan Pathian biak rawngbawlna thupui ah chuan, ‘Isuan nung turin min ko’ tih hi a ni. Pathianin Israel mite chu a hnam thlan bikah a siam a, Ama mite an nih angin malsawmna chhiarsen lohvin a vur a. An thlahtubulpui Abrahama a\angin, khawizu leh hnutetui luanna, kanaan ramah a dah a. An hausain ei leh inturah an hnianghnar em em a. An ramah \ampui lo thlen pawhin riltama an thih a phal lova, Aigupta mite hmangin eitur a pe a. An ram kanaan ramah a hruai kir leh a ni. Anmahni Ama mite atana thlangtu Pathian an hawisanin an sualna avangin ramdangmi ten an run a, an ramah salah an hruai a. Mi rama an awm laiin annun a chauva, Pathian faka, hlim taka zaivawr pawh an thei ta lo. Chutianga nun chau taka mi rama an awm chu nun neilo, ruhro awmkhawm mai niin an in hria a, an ram an ngaia, an thlahlel ngawih ngawih mai a ni.
Israel mi te’n sual vanga Pathian an hawisan khan sual kan tih apiangin nun hlimna kan neih \hin chu kan hloh a, kan nun a chauva, ruhro ang mai kan ni a, kan nunin awmzia a nei lo \hin. Mari, Marthi-i leh Lazara te chhungkua kha Isua \hian\ha te an ni a, an zingah Isua ahlimin, an in a chen nuam a ti \hin. Hei vang hian an unau khan Isua-ah khan rinna nghet tak neiin innghahna tak takah an hmang \hin a. An nu\a neihchhun Lazara a thih pawh khan, an tuarna a tuarpui tak meuhva, an chhungkuain an chan, Lazara pawh chu nunna pe lehin an chhungkuain tuarna rapthlak tak an tawh pawh chu sutkian sakin chhungkaw hlimna leh muanna an hlauh tawh pawh chu a pekir leh ta ni.
Mimal leh chhungtin te’n kan mamawh zawng zawng, kan enghelh te pawh Isua ah a awma, Isua hre lova kan nun kan hmanin kan nun a lo chauva, hlimna te’n min kiansan \hin a ni. Mari leh Marthi te hnen Isuan a rawn thlen khan anni chuan, “Heta awm nila chu kan nu\a hi a thi lo tur”, tiin an lo hrilh a nih kha. Kan chhungkua leh kan thinlungah Isua cheng sela chu lungngaihna leh buaina kan tawk lo tur. Nasa taka Isua hnena an dil avangin an nu\a Lazara pawh chu Isuan a tinung leh ta ni. An lusun manganna Isuan a tuarpuia, a \ap hial a nih kha. “Ka Pa, ka thu i ngaihthlak \hin avangin ka lawm e” tiin Isuan a Pa hnenah a dilsak nghal a ni. Isua dilna chu A pa pawhin a ti hlawhtling ngei ngei \hin a ni. A pa in Isua dilna a tihhlawhtlin ngei dawn avangin Isua pawhin lawmthu hrilhin bul a\an a, A fapa duhtaka dilna chu a hlawhchham tir ngai lo reng a ni. Keini pawh Baptisma hmangin Pathianin a fa duhtakah te min siama, A ma duh anga kan nun kan hman chuan kan \awng\aina te min chhang ngei ngei \hin. Chuvangin, “A ram leh a felna zawng hmasa zawk rawh u, tichuan in Pa vanamiin in dilnate a pe ang che u” a tih ang khan, he Lent hunah hian miram, setana bawiha kan awmna ata kan ram diktak, Pathian rama kan chennaah kirleh turin, sual leh Pathian duh loh zawnga thianghlim lohna nun kan lo neihte bansan tak tak tumin, sual bawih ata chhuak turin hlimna dik neia, he khawvelah leh khawvel lo awm leh tura nung tura Isuan min kohna lam chu i pan ve ang u.
No comments:
Post a Comment