LALPA GRAPE HUAN (05.10.2014)

- Vincent Zosangliana

Lalpa Grape huan chu Kohhran hi a ni. Pa Pathianin a Grape huan \ha tak rawn siam turin A Fapa mal neihchhun A rawn tir a. Fapa Isua tân he khawvela Lalpa Grape huan rawn siam kha a hautak hle a. Chawngheiin, zan mutmu pawh tuah \ha hman lovin A Pa Pathian a Grape huan, A lalram rawn din thar tura a rawn tirh anih angin A hna rawn thawh kha a hautak hle a ni. Mi te hmuhsit leh sawichhiatna karah rinawm takin A rawn thawka, Lalpa Grape huan Kohhran, Pathian Lalram chu A rawn din ta a ni.

Kohhran chu Lalpa Grape huan a ni a, a chhunga ringtute chu Grape kungte kan ni. Grape kung a\ang chuan Lalpa’n rah \ha, a rah bawrte pawh midangte tlan tham ni turin a Grape kung, Ringtute hnen a\ang chuan a beisei a. Grape a phunte chuan rah \ha a chhuah ngei theihnan lei\hain a chawm a, chung lei\hate chu Pathian THU leh SAKRAMETE an ni.

Thuthlunghluiah Lalpa Grape huan Lalpan duh taka a rawn siam chu Israel mite leh Juda mite chu an ni. An hnen a\angin rah \ha Pathianin a beisei êm êm laiin rah\halo, eitlakloh, rah hût an chhuah avangin Pathian chu A rilru a na êm êm a. Ramdang mite pathian lem siamchawp te an bia a, an nunah khawvel tisa châkna leh nawmsip bawlna ten Lalpa an hawisan a, rorelna fel leh nundan\ha leh nunthianghlim a beisei laiin, felna te, thinghlimna nunte hawisanin Lalpa duhloh zawngin an nun an hmang a, Pathianin a hrem a, ramdang mite bâwihah an awm chamchi \hin a ni.

Vawiin niah Lalpa Grape huan chu Kohhran hi a ni a, a Fapa Isua nunna ngei hlanin Kohhran a rawn din a, keini a chhunga mite hi Lalpa Grape kungte chu kan nih angin rah\ha kan chhuah ngei theihnan lei\ha mi, Pathian THU leh SAKRAMENTE chuan min chawm a ni. Ringtu mimal tinte, Pope a\anga Bishop leh Puithiamte, Brother leh Sisterte leh ringtu mitebera inngaite pawh Lalpa Grape kung, rah \ha kan nunah midangte tlan tham chhuah tir turin Lalpan min beisei a, min enthlaru reng a ni. Chuvangin Grape kung ruak, rah\ha eitlakloh chhuahtirtu nge kan nih? Kan nun \ha leh mawi, mite fak tlâk nun chhuahtirtu kan ni em? Kristian ringtute zingah hian a tak leh a lem (Dublicate) kan awm thei a. Kan nihnate ai hian nundan \ha leh mawi, midangte faktlâk nun neiturin mitinte Lalpan min beisei vek a ni. Chuvangin, Grape kung ruak (Dublicating Kristian) nuna nung lovin, Tirhkoh Paula min hrilh angin, nundan dik, nundan thianghlim, nundan mawi, mite faktlak nun, nun ngainatawm kan chhungrila awm turin Lalpa min beiseina chu tihlawhtling turin Grape kung \hami ni ngei turin Lalpa lam i hawi thar zel ang u.