Pope John Paul II-na hi October 1978 khan Pope a thlan a ni a. Pope zingah North East India (Shillong) tlawhtu awmchhun a ni a. Charismatic Pope ropui Joh Paul II na hi Chanchin \ha puang tura Pope zinga zin hnem ber a ni a. A ropui em avang leh mi thinlung a hneh em avangin a thih lai pawh khan 'santo subito' (mithianghlim ni thuai rawh se) tiin mipui an au rual vak vak a. Pope Benedict XVI chuan mithianghlim puanna tura hmalakna an thihnu kum 5 chauh a \an thinna dan chu Pope John Paul II atân bik hian tidanglamin a thih hnu kum 2 ah mithianghlim ni tura \ul dang te lakhawmin hmalak nghal a ni. Tin, Salesians of Don Bosco te chuan Silchar Province Patron atan Mt. John Paul II na hi a thlang bawk a ni.
Pope John 23-na hi kum 1881 khan Sotto il Monte, Italy ah a lo piang a. October 28, 1958 ah kum 77 niin Pope atan thlan a ni. Katholik khawvel sawi nghing dawttu Pope hi Vatican Council 2 na kotu a ni a. Vatican-II zarah hian 1. Kohhran dang nen inunauna nasa tak a thleng a. 2. Katholik ten zalen takin Bible kan lo chhiar ve thei ta a. Ahma chuan Bible hmansual hlauh vangin khap a ni. 3. Latin \awng hman ngai tawh lovin mahni \awng ngeiin Pathian biak inkhawmna kan nei thei ta. 4. Bang lam hawia Puithiamin Mass (inthawina) hlan \hin khan tunah chuan mipui lam hawiin he Mass thianghlim (inthawina) hi a hlan a ni. 5. Khawvela Kohhran tihtur leh mawhphurhna chiang takin a sawi a. 6. Kohhran a rawngbawltute leh ringtute chu inang tlang taka rawngbawl turin a ngen a ni.
No comments:
Post a Comment