PATHIAN KAN HNENAH A AWM (10.08.2014)

- Vincent Zosangliana

Khawvel buaina leh lungngaihna ramah hian mihring zingah tumah buaina leh manganna tawklo kan awm lo. Khawvelhi hreawm tuarna ram ani miau si a. Hei vang hian a lawm mi \henkhat chuan rilru lamah buaina an tawk a, nun beidawnnain a rawn tuam a, dam hian awmzia awmin an hre lova, mahni intihhlum hial an duh a, hengte avang hian khawvel hmuntinah mahni intihlum/ mahni inthat an pung tawlh tawlh tih mithiamten an sawi \hin.

Vawikhat chu Europe a\angin America panin tuifinriatah lawnglian in an zin a, chu lawngah chuan mi sangkhat chuang an chuanga, tuifinriat lai vel an han thlen chuan tuifawn chuan chuti taka lawnglian chu a vawrh avawrh ta mai a. A chhunga chuang ho chuan an hlau em em mai a. Lawng luhkâ-ah chuan mipa naupang pakhat hi hlim em em hian a lo awm a. In ti gentleman tak pakhat hian chu mipa naupang chu a rawn hmu a, “Engatinge, i hlau ve nange?” tiin a rawn zawt a. Mipa naupang chuan, “engmaw hlauh tur chu?” a ti a. Lawng han in vâwra, han in sep duai duai te chu lawng khalhtute’n mipui fiamnan an ti anih a ring a. Chupa chuan, “heti taka kan lawng in vawrh vel hi i hre lo em ni? a hlauhawm êm hi” a ti a. Mipa naupang chuan, “ka hlau awzawng lo mai, ka pa Captain a ni a lawm” tiin a chhang a.

Khawvel harsat leh buaina, lungnngaia kan rumna ramah hian khawvel hreawmna leh buainate chunga thuneitu Pathian kan hnenah a awm reng tih hi i theihnghilh lo ang u. Harsatna leh manganna kan tawh changin mihring tu emaw aiin Pathian hi pan hmasa i la, Petera hnena, “Nang rintlem, engatinge i hlauha i mangan? Hlau suh keimah ka awm hi” titu khan Petera tuia pil mai tur a kaichhuak ang khan lungngiahna hnuai a\anga min kaichhuak turin kan hnenah a awm reng tih hi i theihnghilh lovang u.

Pathina \anpuina leh a khawngaihna kan dawnna tura min daltu ber chu mahni a thil titheia kan inngaihna hi a ni. Pathian aiin mahnia thil titheia kan in ngaihna chuan Amah Pathian hriatna kawngah inthlahdahna min neih tir a, harsatna leh manganna min delhrit tu chu a lo zual tawlh tawlh a, beidawnna(Depression) kan lo nei ta \hin a, chuchuan mahni intihhlumna hial min neih tir \hin a ni. Hetihlai hian nung turin min rawn chhandam a, “Keizawng nun an neihnan, tamtaka nun an neih nâna lo kal ka ni” a ti a. Kan Pathianin nung turin min chhandam a, kan thih a phal lo a ni.

Chuvangin, Pathian kan hnena awma-ah hian innghat tlat ila, khawvela kan lawng chuanna kan nun hi Amahin min enkawl sak anga, him takin vaukam lehlam vanramah chuan nun kimchanna hmunah min hruaithleng ngei ang tih ringtlatin, Pathian ringtlatin kan nitin nunah Amahah chauh innghatin kan rinna tihmasawn turin theihtawp i chhuah zel ang u.