PATHIANIN VANRAMA CHENG TURIN MITINTE MIN SAWM (27.07.2014)

- Vincent Zosangliana

Vawiin July ni 27, 2014, kumkhata Pathianni vawi 17-na ni a, kan Pathian  thuin kan hnena rawn sawi a duh chu, Pathianin vanrama cheng turin mitinte min sawm tih hi a ni.

Vawikhat chu khualzin pahnih hi Africa ramah an zin a. Khaw pakhata an zinnaah mihang mipa naupangho hi marble-in a lo inperh a. Khualzin pahnihte chuan an dinchilh a, an enreng a. Henglai naupang angin marble \ha pawh an hmang lova, lung mum dueh hian an lo inperh ve a. An lung hman chu khualzin pahnihte chuan an han enchian sak a, lunghlu \hami tak mai a lo ni a. Khualzinte chuan marble thar \ha em em mai pahnih chu an ipte a\angin an han phawrh a, chung marble-te chu an tle nalhin, an mawi em em mai a, naupangte hnenah chuan, “In lung hman kha a mum \ha si lova, kan marble nen hian thleng in phal em?” tiin an zawt a. Naupangte chuan an lung hman hlutna leh \hatdan pawh an hriatloh avangin leh mikhualte marble chu a tlet nalh em avang chuan an mit a la ta hle mai a, an han inthleng ta a. Naupangte chuan chutiang marble nalh leh tle mawi tak an neih tak avangin an lawm ta em em mai a ni.

Vawiina kan Chanchin\ha chhiarah chuan Isuan tehkhinthu chi hrang hrang min hrilh a. Pakhatnaah chuan: Huana ro phumruk thu a ni a. He ro phumruk hi mipakhatin a lo hria a, a neih zawng zawng hralhin chu huan chu a lei ta a. Pahnihnaah chuan, mipakhatin lunghlu \hami a hmu a, a neih zawng zawng hralhin chu lunghlu \hami chu a lei ta a. Pathumnaah chuan, mipakhatin tuifinriatah len a deng a, sangha tamtak a man a, vaukamah a hnukchhuak a, a \ha \ha bawmah a dah a, sangha \halo chu a paih a.

Pathianin chatuana A hnena cheng turin mitinte min sawm a. A Fapa Isua Kriataa hmangin A hnena cheng tura kan nitin nun awmdan tur min rawn zirtir a. Pathian hnena cheng tur chuan he khawvel thilte kan kalsan a \ulzia min hrilh a. Huana ro phumruk hretu khan chu rohlu hlutzia chu hriain a thilneih sa zawng zawng a hralhral vek a. a neihsa tamtakte pawh kha thil hlu tak tak a ni ngei ang. Mahse, chung zawng zawng pawh chu thlakhlelh theihahruat lovin a aia hlu zawk a neih dawn avangin thildang zawng zawng chu a chan vek ngam a ni a. Chutiang bawk chuan chatuana Pathian hnena kan chen vena tur khawvel thil min tihnawktu zawng zawngte hi i hawisan ngam i la, i dahkiang ve tawh ang u. Kan sakhua hian Pathian hnena min hruai a duh takzet a, thlarau lam hmasawnna lamah kan thinlung leh kan nun pumpui hi i pe ve phal teh ang u. Tirhkoh Paula’n a sawi angin tisa chakna reilote hlimnate hi hnawmhneah lek ngai vein Krista’n min kohhran chunglam Pathian dinglama \hu Krista awmnaah kan rilru i nghat ve ang u.