PENTECOST (08.06.2014)

- Vincent Zosangliana

Hmasang a\ang tawhin Kristiante rilruah Easter hi Kût ropuiber a ni a, a dawtah Pentecost-ni hi a ni. Thuthlunghluiah Easter hlimthla chu Aigupta bawih ata an chhuah, an kalhlen kût kha a ni a. Easter-ah Isuan setana bawi ata min rawn chhuah in a thi a, A thawhlehna, chatuana kan kalhlen kût dik tak chu a ni. Israel te’n bawih ata an chhuah hnu khan, an chhuah a\anga ni 50-na ah thlalerah khan an lawm a, chu chu Pentecost Ni-50 na tihna a ni. Isua a thawhleh a\anga ni 50-na chiahah Tharau thianghlim a lo thleng a, hei hi Pentecost kan la ti reng a, Easter a\anga ni 50-na a nih avangin.

He Pentecost ni chiah hian Thlarau thianghlim chuan ringtute (Kohhran) a rawn chenchilhna ni anih avangin, Kohhran pian Ni (Birthday) pawh an ti \hin. Juda te’n Pentecost ni chu an buhbal thar an lawmna (Harvest Feast) atan an hmang bawk a. Thuthlunghlui chu Thuthlungthar hlimthla anih avangin nunna bulpui ber Thlarau Thianghlim lo thlenna ni chu ringtu hmasate thinlungah a len êm avangin hlim takin an lawm thin a ni.

Thlarau Thianghlim chu enge ni? Pathian a ni. Pathianah minung pathum an awm, Pa, Fapa leh Thlarau thianghlimte, pumkhat \henhran theihloh anni a. Kristan A hnathawh A zawh hnuin vanah a lawn a, vana A lawn a\anga ni sawmnaah A hnathawh chu A chhunzawm a, nunna pe a, tichak turin thlarau thianghlim chu A rawn tir a ni.

Vawikhat chu naupang pakhat hian baloon zuartu hnenah, “Ka pu, baloon dum hi a thlawk sang thei tho em?” tiin a zawt a. Baloon zuartu chuan, “ Thlawk sang thei tho e, a rawng avanga thlawk thei a ni lova, a chhunga awm boruak vang zawk khan a lawm a thlawh theih” a ti a. Chuvangin Thlarau Thianghlim chu Krista tinungtu leh keini Kristiante nunna ani a, Amah avangin Pathian pawh “ Ka Pa” tiin kan au thei a ni. Mahse, Thlarau Thianghlim chu kan châk em? Kan thlahlel em? Kan tân tunge anih a, engtinnge ngaihdan kan neih? tiin lo inzawt ta ila.

Nu pakhat chu retreat naah a tel ve a, an retreat zawh chuan zan dar 11 vel lai a ni tawh a, mahnia haw a hlauh thu an Speaker hnenah chuan a hrilh a. An Speaker chuan, “ Thlarau Thianghlim i nei tawh a lawm, engahnge i hlauh ni?” tiin a zawt a. Chu nu chuan, “ani pawh chu ka hlau tho a lawm, ka duh lohnaah min hruai anga sin”, tiin a chhang a. Thlarau Thianghlim chu kan tan Driver niin kan duhlohnaah min hruai kan hlau châwk \hin awm e. Kan duhlohna a min zui duh loh chuan neilo mah ila kan pawiti lem lo niawm tak a ni. Judate hlauin Apostolte kha an biru tlat a, Thlarau Thianghlim an hnena a lo thlen veleh an hlauhte hnena kal kha an châk a, an duhloh ber Isua chanchin kha hrilh an châk ta em em a nih kha. Thlarau Thianghlim tello chuan engmahlo kan ni a,engmah tihtheih kan nei lo. Ani chu \anpuitu leh thlamuantu Pathian, Isua’n kan hnena A rawn tirh a ni a, kan bulah leh keimahniah A awm reng a, kan nunkawng engkima min hruaitu chu a ni. Chuvangin, kan duhdana hruai tum lovin a duhdana min hruai i inphal ang u. Ani chu Inpumkhatna leh inhmangaihna Pathian ani a, Khawvela mihringte Babel insang, chapona avanga \awng inhrelo, in\henhrang tawhte kha Pentecost ni khan Vanhnuaia hnamtinte \awng in hre vekin inpumkhatin a rawn siamthar leh ta a ni. Chuvangin, kan chhungkuaah, kan Kohhranah lo chenga min awmpui turin leh a duhdana min hruai turin kan thinlung i hawng ve ang u.