- Dominic Eddie Lalrintluanga SDB
Thilsiam tinrengte hi mahni theih ang tâwk \heuh a rah chhuah tura Siamtu duan kan ni a. Hlobet a\anga bûngpui, fanghmir a\anga sai te thleng hian tihtur mumal tak neia mahni chanvo \heuh hlen an ni a. Anmahni tawkah rah an chhuah ti ila a dik ang. Hengte pawhin a rah an chhuah chuan an chunga thu nei tura siamte hi chuan a lêt tam fê a rah chhuah awm tak hi kan va ni tehlul em!
Rah \ha chhuah tur chuan mimal nun inenchian hmasak a \ul. Thlai chi pawh hi a him loh a, a nget kawrawng heu huau chuan rah a chhuah thei ngai lo. Chutiang bawkin kan nun kan vawn thianghlim a, midangte entawn tlaka kan nun hi rah \ha chhuahna atâna rahbi hmasa chu a ni. Tin, rah\ha chhuah tur chuan a thawha kan thawhchhuah a ngai. Chanchin\haa Chhiahhlawh Talent Tihpun tehkhin thuaah hian a chiang mai. Talent tipungtu chhiahhlawhte khan an talent dawnte chu a thawh a thawkin an va tipung a. Rah\ha an chhuah a. Tipung ve ta lo chhiahhlawh erawh kha chuan thawhchhuah tum eih lovin a lo dah \ha hmak a. Rah chhuah tur a nei lo rêng a nih kha. Sawia duhtawk mai lova a tiha kan tih a pawimawh.
Loneitute hian thlai leh buh an tuh hian a rah chu hmanhmawh taka thar an duh tut tut kher lo. Dawhthei takin hlote thlo faiin an mamawh ang angte pein an nghak fan fan thin. Rah \ha chhuah tur chuan hunin a duh rei thei \hin hle. Mt. Monica-I khan a fapa Augustine-a inlamletna tur khan kum 40 chuang zet a \awng\ai a. Mt. Vianney-a pawh khan vawilehkhatah Ars khua kha a siam\ha mai bik lo. Kum tam tak a vei hnuah chauh a ni. Kan mamawh leh duh hun huna min pe a min tihsak tura kan rin avangin Pathian hi kan dem fo. Mihringte kawng nilo, Ama kawng ang ngei a titu chu a tlai ngai lova, a hlawhchhamtir ngai hek lo. A diltu leh nghaktute hi kan hmanhmawhin kan beidawng hma êm atin ni.
Hmangaih Johana chuan ‘Rah \ha in chhuah hian Pa chu chawimawiin a awm’ tiin min hrilh a. Rah \ha kan chhuah chu kan tân ni lovin midangte tan zawk a ni. Tin, Isua’n ‘Ka Pa thu lo chuan keimahin engmah ka ti thei lo’ a tih ang khan Pathian Thlarau Thianghlim puihna tello chuan rah \ha kan chhuah thei lo. Tunlaiin thiamna leh khawl thiltihtheihnain min run mek zel a. Kawng tam takah kan Pathian mamawhna a tinep a. Thil engkim deuhthaw chu kutzung\anga hmehchhuah mai theih a nih tak avangin Pathian kan nunah hmun a luah tlem ta hle. Nimahsela, heng khawvel thiamna hrang hrangahte kan innghah zawh poh leh a tawpa an rintlaklohzia leh daihreilohzia chu kan hmu chiang telh telh dawn a ni. Tin, khawl thil mai nilo, kan nuna thlarau thianghlim nilo eng thlarau rau emaw kan dawn fo te pawh hian rei an daih rei lo hle. Thlarau thianghlim rah heng hmangaihna, hlimna, thlamuanna, dawhtheihna, ngilneihna, thilphalna, rinawmna, zaidamna leh mahni inthununnate kan nunah min an hmu tur a ni zawk. Chuti a nih siloh chuan eng ang pawhin ‘Haleluia’ ringin tâl nasa teh mah ila rah tha kan chhuah a rinawm loh.
Thufing pakhat chuan, ‘Naupangte chuan thei rah nei chauh lungin an vawm thin’a ti a. Rah kan chhuah phawt chuan doletna, sawiselna leh mi huatnate hi kan dawn turah ruat tawp mai ila, a hahdam thlak zawk. Tin, thil\ha kan ti a nih phawt chuan min zuitur zawn chawp an ngai lova. Thil dik leh \ha chu tuman an hai tak tak lo. A tirah haiderin nuihzat mahsela an rilru chhungril chuan thil \ha chu a hre kar a. Mahni inbum mai mai an ni. Tin, tunlai media hrang hrangahte pawh abik takin Kohhran sawichhiatna kan hmu nasa hle bawk. Rah \ha I chhuah avanga sawichhiat, deuhsawh leh rel i dawng a nih chuan Pa ropuina a ni tih hre tlat la. Mihringte hian keini aia pachhia leh Buh chi pawh leia an thlaka an thih phawt loh chuan rah an chhuah thei lo tih a nun ngeia min zirtirtu Krista chu entawn tlat ang che. Chhel taka bei fan fante chuan ropuina lallukhum chu an la chang dawn si a.
Pope Francisa’n ringtute min fuihna chu hlim taka Chanchintha kan nunpui hi a ni. Chu chu a ni rah \ha kan chhuah theihna tur bul chu. Neih tam hi hlimna a ni lova. Neihchhuna lungawi thiam hi hlimna chu a ni zawk. Mahni theihna tawk lek leka midangte entawntlaka kan nun hi a tawk viau. Kan phak loh leh theih loh tur midangte tih ang tum \alhte hi hun khawhralna mai mai a ni. ‘Hlawhtling tura koh kan ni lova, rinawm tura koh kan ni zawk’ tih Mother Teresai’n a sawi ang hian kan thiltihna tinrengah a tam leh mawi ringawt ngaituah lova a dik leh felfai kan thlan zawk ngam chuan RAH |HA KAN CHHUAH NGEI ANG!
(A ziaktu hi Salesian of Don Bosco brother niin tunah hian Salesian College, Nasik-ah M.Phil a zir mêk a ni)
No comments:
Post a Comment