TIHDANGLAM TUMTUTE (21.09.2014)

- Mt.Alphonsus Liguori

Kohhran chu rinna leh kalphung pakhat nei anih loh chuan Kohhran Dik a ni theilo. Thudik chu pakhat chauh anih angin, kohhran hrang hrang zingah hian pakhat chauh chu a dik tur a ni, chu Kohhran pâwnlamah chuan chhandamna a awmlo bawk ang. Kohhran dik kan hre dawn anih chuan Isua Krista khan Kohhran A din hmasak ber a chu kan chhuichian phawt a \ul ang, chu chu kan hmuh hunah he Kohhran chauh hi a ni a diktak tih kan pawm thei ang, chu Kohhran chu a diktak, tunah leh nakin zelah pawh dik reng a ni bawk ang. Chu kohhran hmasa ber hnenah chuan Chhandamtu chuan Hremhmun kawngkhar pawhin a hneh lovang tih thutiam A lo pe a (Matt 16:18). Sakhuana chanchin zawng zawng kan thlirlet chuan, Roman Catholic Kohhran chauh hi Kohhran hmasa ber a ni tih kan hmu a, chumi hnuah ngaihdan hrang nei leh p>ng dangte an lo chhuak a. He Kohhran hi a ni Apostolte’n an thehdarh leh,a hnu lehzela a puipate pawh Apostolte’n an ruat a chu. Hetiang thil, Kohhran puipate thuneihna dik, Apostolte hnen a\anga hlanchhawn hi Roman Kohhranah chiah hian a awm a ni (Matt 28:20).

Siamdanglam tumtute chuan Roman Kohhran hi a hmasa ber, Isua Krista din a ni tih an pha bik lova. Amaherawhchu kum zabi 5-na thleng vel chauh  Kohhran dik a ni a, chumi hnuah erawh Catholic mite avang bawk chuan a tluchhe ta a ni, an ti a. Mahse, chu Kohhran, Mt.Paula pawhin ‘banpui leh thudik innghahna’ (I Tim 3:15) a tih chu engtinnge a tlngdarhte chu an tluchhia a ni zawk e. An ngaihdan diklo siam\hat nan chuan, Catholic Kohhran hi Isua Krista din hmasak ber leh Kohhran dik awmchhun a ni tih puang mai sela adikin a \ha mai tur a ni a. Mahse hei hi enghelhin, hrilhfiahna an insiam chawp lehzel a: hmuhtheih Kohhran chu a tluchhia a ni thei e, mahse hmuhtheihloh Kohhran chu a la awm e, an ti a. Mahse he ngaihdan hi Chanchin\ha nen chuan a inkalh hulhual a ni.

Siamdanglam tumtute hi vawi tamtak, chu hmuhtheihloh kohhran chu tilang turin, Lehkhaziak Thianghlim a\angin entirna pe tura ngen an ni tawh \hin a. Mahse, chutiang thuziak chu engtinnge a awmtheih tehlul ang, Isua, A Kohhran tidarh tura Apostolte min hnutchhiahtu chuan,”Thuhrmna angin, fing verv>ka mihring bum chawpin, zirtirna thli tinr>nga lehlam lehlama vawrh leh len len naupang kan ni tawh lo vang a, “ (Eph 4:14).

Anihleh, heng zirtirna diklo petute a\ang hian eng rinna nge kan zir theih? Kohhran a\anga kalchhuak an nih angin rinna dân mumal an neilo a ni mai em? Calvin-a khan a ngaihdan vawi tamtak a thlâk hman a. Luther-a pawh a damlai khan vawi tamtak a inkalh bawk. Iukaris chungchang a ziahnaah chuan hmun 33-ah inkalhna(inhmulo/inhal) a awm nghe nghe. Vawikhat inkalh ringawt pawh hian Pathian Thlarau an neilo tih a tichiang em em a ni. “.. Amah leh amah a inphat thei si lo va” (I Tim 2:13). Kohhran thuneihna hi la bo chhin ta ila, Chunglam Inpuanna leh ngaihtuahna \hate hian awmzia a nei lovang, tute pawhin an duhdan ang anga an hrilhfiah dawn avangin. Hetiang ang, duhdan dan a ngaihtuahna avang hian rinna diklo leh rinlohna a lo piang chhuak \hin tih an hrelo em ni? Ka sawi nawn leh ang: Kohhran a intukluhna/thuawihna lakbo anih chuan, thil diklo pawh lâwmtakin an pawm vek ang.