Monday, October 27, 2014

TUNGE CHHANDAM NI ANG (17.08.2014)

- Vincent Zosangliana

Vawiin Pathiani pangngai vawi 20-na niah hian kan Pathian thuin min rawn hriattir a duh chu, Tunge chhandam niang? tih hi a ni.  Kan Pathian lehkhabu-ah chuan, “Vanram chu bei vak tute chuan an pawng lâk \hin” tih kan hmu a ni.

Vawiina kan chanchin\ha chhiarah chuan Kanaan hmeichhe pakhatin Isua hnena a ngenna kan hmu a. He hmeichhia hian a fanu ramhuaiin a nghaisak \hin chu tihdam sak turin Isua hnenah hlatak a\anga lo kal in a rawn ngen a. Nasa taka au in Isua chu a rawn ngen chiam a. Isuan a beidawnna ngei turin a lo chhang a. He hmeichhia hi Juda mi pawh a ni si lova, Kanaan mi daih a ni nghe nghe a. Isuan a beidawnna ngei tura a chhan pawhin he hmeichhia hian rinna leh beiseina takzet nen inngaitlawm leh thuhnuairawlh takin Isua chu a rawn pan a ni. Isuan Juda te aia hnamdang mi duhsak chu a dik love a tih pawhin hmeichhia chuan, “Uite pawhin an pute dawhkan hnuaia chawmal tla chu an ei ve tho a lawm” tiin a chhang a. A tawpah Isua’n chu hmeichhiain Amahah rinna leh beiseina a nghah nasatzia a hmuhin, “Hmeichhia, I rinna a va nasa em! I beisei leh rinna angin i dilna chu tihhlawhtlin ni rawh se” a ti a. Chumi darkarah ngei chuan hlataka awm a fanu damlo chu a lo dam ta nghal tih kan hmu a ni.

He Isua leh Kanaan hmeichhe chungchanga kan zir tur chu, rinna leh tihtakzeta Isua pan tute chu tisalam malsawmna mai nilo, thlarau chhandamna an chang ang tih hi a ni. Juda te’n Messia chu anmahni Juda hnam tân chauha a rawn kal anih an ring a. Mahse, Pathian chu mi zawng zawngte Pathian a ni a, tumah duhsak bik leh enhran bik a nei lo, mitin leh hnamtinte hi Ama lim leh Ama anpuia a siamte kan nih avangin mi zawng zawng chhandama an awm a, Ama hnena cheng tura duh taka a siamte vek kan ni. Chhandama kan awm loh a hlau a, min chhandam turin a fapa kan hnenah a rawn tir a. Mahse chhandama awm turin Kristian nih ngawt a tawk lo. Babtisma leh Sakrament dangte chu chhandam kan nih theihnana kan dawn leh kan chan ngei ngei tur an ni a. Chutih rualin Sakrament dawn ngawt chu a tawk mai lo, nitin khawvel thilte kalsanin mahni inphatna nun nen chhandamna kawng chu kan zawh \al \al a ngai a ni. Tirhkoh Paula’n min hrilh angin, “Hmutawh rêng inti ka ni lova, famkim tawh rêng inti pawh ka ni hek lo; Krista min koh chhan chu ka nei thei dah law maw tiin a umin ka ûm zâwk a ni”(Phil 3:12), a ti a.

Chuvangin, chhân ni turin nitin Krista lamah \awng\ai leh nundan\ha nen kan beih hrâm hrâm reng a ngai a. “Engpawhnise, in awmdan chu Krista chanchin\ha nen inmawi phawt rawh se”(Phil 1:27) ah a ti a. Nitin kan nuna Krista chanchin\ha nena inmawi lo, fellohna thil reng rengte hawisanin tihtakzetin Krista lamah ke kan pen a ngai a. “In hmânlai awmdan kawnga mihring hlui kha hlip u la, In rilru leh thlarauah a tharin awm u la, mihring thar thutak felna leh thianghlimna a Pathian anga siam khân inthuam rawh u”(Eph 4:22-24) Paula’n a tih angin nunthara nungin, theihtawp kan chhuah angai a ni. Khawvel thilah malsawmna dawng turin theihtawp chhuah a ngai ang hian chhandamna nei turin nitin theihtawp kan chhuah angai a, Krista mite anga nungin Kristian lem/ Kristian der (Dublicating Kristian life) nun bansanin nunthara nungin nitin min tihnawktu nun hi i dah kiang ve ang u.

No comments:

Post a Comment