TUNGE CHHANDAM NI THEI ANG? (28.09.2014)

- Vincent Zosangliana

Chhandamte chu tlemte em ni ang? Chhân kher pawh a ngai chuanglo, a chhânna chu mahni \heuh inenfiah mai ila, chhandam ka ni ve ang em? Kan duh chuan chhandam kan ni thei a, chhandam nih ve kan duh chuan nitin Pathian bulah ka awm reng ang a, Amah nen inrema kan awm chuan he khawvelah leh lo awm turah a bulah ka awm reng dawn a ni. “Keimahah awm reng rawh u”. (Jn 15:4) a ti a. Pathian awmna chu vanram a ni a, A awmlohna chu hremhmun a ni. Tichuan Pathian bulah nge kan awm a, a awmlohnaah? Chhandam kan ni nge bo ka ni? mahni kan inhrefiah thei mai ang.

Pathian  chuan kan bo a phal lova, chhandama awmah min duh a, tumah kan bo a phal lo, “misualte an sualna anga an thih hi ka duh zawng ani lova,  nun nei tura an lo kir leh hi ka lawm zawng a ni”,(Eze.33:11). Pathian in nun  ka neih loh a hlau a, “Pathianin khawvel a hmangaih em em a, a fapamal neih chhun a pe a, tupawh a ring apiang an boral lova chatuana nunna an neih zawk nan”, (Jn.3:16). Nun kan neih nan vanram nuam kalsanin khawvel hrehawmah alo kal a, ama miten kan lo lawm silo. “Thutak hria a chhandama awmah min duh tak meuhva”, (1Tim.2:4).  Chuvangin, chhandam ka ni ve ang em? tih zawhna chu mahni nun \heuhvin kan chhang thei a ni. Pathian chuan chhandama kan awm a duh tak meuhva, mahse kan duhthlanna, zalenna min pe a.

“Kawngka zimah chuan luh tum hram rawh u, mi tam takin luh an tum anga, an lut thei si lovang”, (Lk.13:24). Kan nitin nun kawng kan zawh mêk lai hian thil dik leh \ha lam kawng chu a zim a, luh pawh a har a, miin chu kawnga kal chu duh mahse, a aia nuam leh zau leh hlimawm a bulah kawng dang a awm avângin chutah chuan an kal fo zawk \hin. Kawng zim lama kal chu a kawng pawh a chho a, sual rit phurh nen chuan a len pawh kan leng lo, kan nun hi Pathian mit hmuhah saruak an nih chauhvin chu kawngah chuan kan kal thei a ni.

Divine Retreat Centre-a kan luh dawnin gate bulah an lo awm a, “Krista ropuina atâna tangkailo chu engmah rawn keng lut suh ang che u”, an ti a. kan nitin nun min ti hnawk theitu, meizial, sahdah, kuhva, zu, etc. zakkep kan van ngah thei tak em! Kan nunin a mamawh miah siloh hi kan va han fawmkhawm hnem em! Chutiangin, kan hnathawhnaahte pawh hian kan hmuh tur diktak bakah hian zakkep kan nei em? Chungte nen chuan kawngka zimah chuan kan lut leng ve dawnlo a ni. Kan thlarau chatuan nunna atâna \angkai lo thilte chu bansan thei ila, \angkai tur thilte erawh chu a kawng zimin harsa mahse, chulamah chuan kal hram ila. “Tuna kan tuarnate hi nakinah ropuina kan la chan tur nen chuan tehkhin thamah ka ruat silo”, (Rom.8:18). He khawvel kan taksa nun reilote atâna \angkai turah pawh kan ngaihtuahna zawng zawng, kan chakna zawng zawng kan pek theih lai hian, chatuana nunna lo awm leh tur atân phei chuan nasa leh zuala bei tur kan va han ni em!

Krista hnung kan zuina-ah hian kan hun remchang (according to our convinient) mai hi chu a tawk lo a, “Lalpa i Pathian chu i thinlung zawng zawngin , i thlarau zawng zawngin, i chakna zawng zawngin, I rilru zawng zawngin i hmangaih tur a ni”, (Mt.12:30). Thlarau lam thil atan chuan mahni \ul leh pawimawhte pawh kan kalsan ngam a, kan inphat pawh A phut a ni. Chuvangin chhandama awm turin mahni \heuhvin kan nunin a chhânna kan pe thei a ni.