Engkim hian hun leh hmun an nei \heuhva, a hun leh hmun lova thil a awm tawh chuan thil a fel \hin lo a ni. Chutiang chiah chuan kan thawmhnawte, kan incheina te hi mawiin nalh hle \hin mahse, a incheina hmun lova kan hman chuan min tibuai a, midangte tan hmuh hreawm leh kan awmna hmun ti bawrhbang thei thilah a chang thei a ni.
Pathian biakina Inkhawm tura kan lo kal hian, kan inthuam dân a\ang rengin Pathian lawm zawng angin kan inchei em tih inenfiah i la. Kan awmna hmun azira inchei dan tawk kan thiam angai a ni. Tin, Nu leh Pa te pawhin kan fate inchei dan hi i enfiah pui hram hram hlawm ang u.
Pawl \henkhat inkhawm tur kan thlir chuan, Fashion Show an nei dawn emaw tih tur khawpin incheina an uâr tawh a ni. Eng ti tura Biakin pan nge kan nih? Pathian be tura lo kal kan nih avangin, kan thawmhnaw \ha neihchhun ang angin kan inthuam anga, Leplerhna tel lovin, kan thawmhnaw hâk a\angin mite’n keimahniah nun fel leh \ha hmu se la, kan thuam inbel danin kan Biakin zahawmna a vawng tih i hria ang u.
Mipa ta’n a zuih emaw a arh emaw a mawi tawk a awm a. Chutiang bawk chuan, hmeichhe ta’n pawh pawnfen leh kawr chhing lutuk nen a Biakina kan kal hi a mawi lo a ni. Kan incheidan in kan nun leh rilru a tilang a, chutiang bawkin kan inchei dan hian kan Pathian Biakbuk a tih zahawmin a ti zahawm lo thei a ni.
No comments:
Post a Comment