MISSION SUNDAY (19.10.2014)

- Vincent Zosangliana

Vawiin October Ni-19 hi khawvel pumah MISSION SUNDAY ni atan Kohhranin a hmang mek a. Hemini a thupui atan pawh, ‘Kal ula hnamtina mite zirtirah siam rawh u’ tih hi a ni.

Blessed Fredrick Ozman-a chuan “Eucharist inthawina a chhang kan phel ah hian Krista hmel i hmuh theihloh chuan Mirethei leh kutdawhte hnenah Krista hmel i hmu thei lovang” a ti a ni. Kohhran chu abulte a\angin Missionary ani a, a tihtur ber pawh Missionary hna a ni a, a mizia (a nature) pawh Missionary a ni. Chuvangin, vawiinni a keini kohhran mite hian kohhran mizia leh a mawhphurhna lantirtu kan ni em? tih hi vawiinni a keimahni \heuh kan inzawhna tur chu a ni.

Krista khawvela a lo kal khan a ropuina zawng zawng a inhlip vek a, mahni inphatin mite rawng a bawl sak a, Krawsa thi hial khawpa inngaitlawmin a rawn inpe a ni. Chu Krista nun chu entawnin Kristian hmasate leh ringtu mipui zawng zawngin mahni inphatin, mahni hlawkna leh hmasialna tel miah lovin Krista leh a Kohhran ropuinan an lo inpekna avangin vawiin niah keini hmun kilkhawr amite pawh rinna kan lo vuan ve ta a, Kohhran avangin ham\hatna tinreng kan lo nei ve thei ta a ni. Vawiin niah Nang leh kei hi Apostol hnathawk turin Krista chuan, “Khawvel ram tinah kal u la, chanchin\ha hril rawh u” tiin a tirhte kan ni. Pathianthu sawiin khawtin kan fang tur tihna a ni ngawt lova, kan rinna chu nunpuiin mirethei leh dinhmun chhe zawkte \anpuia, dawmkang turin hma kan la anga, hetiang kan tih chuan antan chanchin\ha puangtu ropui tak kan ni dawn a ni.

Kohhran \iak tirh, A.D-100 velah pawh khan kohhran mite chuan damlote lakhawmin, damna an neihnan nasa takin an enkawl a, heta\ang hian damlo enkawlna In ‘Hospital’ kan tih tâk hi an lo din a, chumi hnuah hun a lo reiin Sorkarin Hospital chu a lo din ve ta a, a bul \antu chu Kohhran mite an ni. Chuting bawkin, naupang rethei leh mawlte pawh an hruaikhawma ziak leh chhiarte an zirtir a, chutiangin tuna School kan tih hi a rawn in\an ta a ni. Khawvela vawiin ni a Mihringte hmasawnna atana thil \ha te hi Kohhran a\anga rawn in\an vek ani a, Kohhranin bul a li \an vek an ni.

Chutianih chuan vawiinni a, keini kohhran mite hian mahni hlawkna leh hmasialnate hawisanin, ringtu hmasate nun entawnin, chhuan chezawkte dawmkanna kawngah \hu mai mai thei kan ni dawn lawm ni? Heihi Missionary hna a ni a, chanchin\ha hrilna hna ropui tak a ni.

Eucharist Inthawina, Mass thianghlim hlanna kan bân a\ang hian chutiang rawngbawlna hna chu \an tura Krista mitirhte kan ni tih inhriain, ngaihsak ngaite dap ila, an tân malsawmna niin Kohhrana kan mawhphurhna chu thilpekte leh \awng\aina nen ngaihtuahna thar nei turin thlarauthianghlim chuan mitinte, a teber a\anga a lianber thlengin min chhunêng mawlh rawhse. Mahni tâna nung tawh lovin midangte hnenah nun i sem ve ang u.