-Vincent Zosangliana
Unau duhtakte u, Lent hi kan chhandamna nei tura kan sualte inchhira kan inlamletna atana Pathian hun min pek lawmawm tak mai chu a ni a. He Lent Pathianni vawi 3-na pawh hian Pathian lama hawikir leh tur hian min sawm a ni. Chuvangin he Jubili, khawngaihna kum ropui tak mai hi kan chhandamna a taka nei tura thuk zawka Pathian lama kan hawikir hun a ni.
Chu Pathian lama kir leh tur chuan kawng thumin kan sawi thei ang: Ahmasaberin, Hmangaihna nen chiang zawka Amah nen kan pumkhatna tura a hnen lam kan panna hun a ni. Pahnihnaah chuan, Ama lam hawiin, A hnena nunpum kan inhlanna hun a ni. Kan innghahna leh rinchhan chu Amah chauh hi a ni a, Amah chauh hi min chhandamtu chu a ni. Pathumnaah chuan, mahni tihtakzeta intuaithara a hnena kan kir lehna hun chu a ni. Kan thinlung leh ngaihtuahna kan siamtharna hun a ni a, kan nun kan siamtharna hun chu a ni. Heihi rinawm taka thupekte kan zawmna hun chu a ni.
Chutiangia nunthara nung tur chuan, nundan hlui a Thupekte kan zawmna \hin kha kan bansan tur a ni. Hetiang hian kristian nihna kawngthar leh hmangaihna Dan Kristan min pek nawn chu kan zawm dan lo en teh ang u.
AHLUI: Ringtu hluite awmdan
ATHAR: Ringtu tharte awmdan
1. AHLUI: Israelte u, Ngaithla teh u, kei hi Augupta bawi ata hruaichhuaktu che u, in Lalpa leh in Pathian chu ka ni.
ATHAR: Krista Ringtu, Pathian mithlantharte u, heihi hre reng rawh u: Kei hi Lalpa In Pathian, thim lalram, khawlohna leh sualna ata hruaichhuak che u a, eng leh thutak leh \hatna lalrama hruaichhuaktu che u chu ka ni. Hmanah sual leh khawlohna hnuaiah in awm a, tunah chuan Pathian fate niin nun zalenna in nei tur a ni.
2. AHLUI: Kei hi Lalpa in Pathian chu ka ni a, keimah lo chu Pathian dang in nei tur a ni lo.
ATHAR: Kei hi Lalpa in Pathian ka ni a, in hnen ata hla takah ka awm lova, in \hian, in hruaitu leh rorelpuitu che u ka ni. In nunah Lal bera min neih chuan khawharin in awm lovang. Milem Pathiante chuan hneh an rawn tum ang; PAWISA hi Pathianlem hlauhawm tak a ni a, keimah leh pawisa rawng in bawl kawp thei lovang.
AHLUI: Lalpa i Pathian lam mai mai suh.
ATHAR: Tun a\ang chuan ka hming tharin min ko tur a ni. KA PA min ti tawh ang che u. Zing in thawh veleha in hmuia in lam hmasak ber leh zan in mut dawna in lam hnuhnun ber ka ni tur a ni. Min hlau chungin min ko lo ula, hmangaih leh nel takin min ko ang che u. Fakna leh lawmthu min hlan rualin in mamawhte rawn hlan tel ang che u. In hmingte chu ka kutphahah hian ziak vek a ni.
3. AHLUI: Lalpa ni chu thianghlim takin i serh tur a ni.
ATHAR: Nitin hi ka Ni a ni a, i nitin nun thianghlim takin i hmang tur a ni. Mahse, Lalpa Ni chawlhni ah hi chuan thildang zawng zawng kalsanin i nun zawng zawngah Pathian i dah lian ber tur a ni a; he Ni hi Krista in unaupain thihna hrui tichatin hnehna nen thlan a\anga a thawhlehna Ni a ni a. He ni hian \awng\ai leh Pathian biain Lalpa Inah in kalkhawm \hin tur a ni, tichuan thawhlehna ram pana zin mek in nihna chu in tithar fo ang. He chawlhni inserhna hi nakina in chatuan chawlhna Ni tur atana in inbuatsaih lawkna Ni a ni.
4. AHLUI: I nu leh i pa chawimawi rawh.
ATHAR:I nu leh I pa hmangaihla, an mahni avangin he nunhlimna hi chen ve turin hawvelah hian i lo piang ve a ni si a.
